خداع

عجبت ليوم امتلاء على حزنا ..وقفت لوهلة قصيرة اتذوق طعم الحزن المر فى فمى ...الهوس الصاخب حولى يعلو و يقترب و لكنى فى وسط الغرفة اختنق حلقى ينغمس فيه آلاف الخناجر ... أحاول الهروب من الدمع المنشق من بين جفنى و حدقة عينى تغلق بواباتها آبية ان تسمح له بالخروج ....دون جدوى أخدع نفسى و اتقمص اللاشىء 

ابحث عنى

ابحث جيدا فى عقلك أو قلبك عن زائر
اشقى كثيرا و رتب أفكارك و كن ثائر
فى ظل سيطرة عقلك الباطن  أوالظاهر
فى ذكرى أليمة أو مستقبل حاضر
ابحث عنى فى عين بشر أو طائر
لا تتوقع وجودى فى قفص فاخر
أو فى قصر ثمين مغلقة أبوابه باهر
انظر على جوانب الأرصفة تجدنى
فى طفل متسخة ثيابه مازال مثابر
او فى حسرة امرأة بسيطة عاقر
ستجدنى طفلة صغيرة او ورقة شجر
ستجدنى فراشة بسلاح حرية قاهر
عندما يسكننى الحزن و يبكينى الوتر
اعقد عزمى ان انتقل من عالم خاسر
ليس انتقاص من الرجولة لكنك ستعاشر
كثيرا ممن لا يرضى بدور غير مباشر
ولن أبقى و لن أخسر و لن أموت و لكنى
لن أدخل حربا من حروبهم....... أبدا
ولن أغيب و سأبقى فى قلبك حاضر

شعور

أشعر بركود المشاعر داخلك تنتظر
بركانى  الثائر ليحررها و ينفجر
 بعيدا عن مكان الضياع الكامن يعتذر
 لأمواج غضب بحرى الهائج ان تنحسر
 هيهات لها أن تنحسر أو يعتذر و ستظل تنتظر
 امنحنى فرصة أو لا ...اختار أيهما ستقرر
 لا عيب منى و لا مولد  مشاعرى مقصر
 مد لى يديك حبيبى  ...حربا بداخلى دائرة
جيوشك تحتل المكانة الاولى بينهم و تنتصر
 وما بقوة رادعة فى داخلى تدافع وتكسر
حصونك العتيدة فى ميناء أسطولى و العسكر
 و أنا سأنتصر على قصص العشق و أخبار البشر
 ولن تجدى التوسلات و ستصبح هائلة لا تغتفر
 ولن يبقى بداخلى إليك إلا حزن و شعور مكرر
بقوة الجمود الثابت المعزز ببرودة صامتة
غير مقصودة ولكنها متعمدة برأى  مبرر

ذكريات

لو اسرح شوية لنفسى برجع لأيام المدرسة
افكر فى عشرة عمرى اللى ضاعوا منى لخبطة
و الزحمة و الهيصة و اللخمة و الشغل والمرمطة
وضحكى و لعبى و تزويغى فوق سطح المدرسة
وحكايات بناتى حواليا  وسط لمة مزأططة
وحلمى انى اكون فى طب او ألسن او صيدلة
ومذاكرة الثانوية و امتحانات الفيزياء المعقدة
و قعادى طول الليل على صوت الراديو و الفرفشة
وفى دنيا بلعت احلامى و حياتى ويا الرضا
وقناعة كنز لا يفنى فى زحمة دنيا فقدتها
وفى اول حب ببراءة و شقاوة ويا الشخبطة
وفى محاضرة كبيرة مالهاش لازمة غير صحبة حلوة منورة
ومدرج مليان على اخرة و فى ناس أخر مسخرة
وحشتنى ايام راحة البال و النوم على المصطبة
وحشونى كل اصحابى و خروجة مش مترتبة
وحشونى عشرة عمرى ...تاهو فى دنيا مفرقة

جالى عريس

مش أنا جالى عريس
جامد اوى و فييس
وشايف كل حاجة بيس
بس مش فاتح قميص
ولا حتى شاب سيس
وانا بالنسبه له بهيص
علشان بروح شغلى فى اتوبيس
واستغرب منى يمكن
مش لابسه لبس رخيص
ولا بمشى شايلة كراريس
هو عاوزة واحدة تقيس
كل حاجة عنده فى كيس
واحدة تانية قشطه بيس
تسكت و تقفل الفيس
او يمكن تكون زى الفتيس
يمين يمين شمال يا تيس
واهو كله هرى و تخليص
بص شافنى قال عجبته
بس هو .... معجبنيش
هاقول ايه زى اللى قولته
اهى عجايب دنيا فيها بنعيش

انتم الاتنين

ابتديت بس اعرف احنا ليه كده
ولد ولا بنت هما الاتنين عايشين و بس
لو فاكر انك خدت حقوقك وانك عريس
و عملت كل اللى عاوزة وبقيت برنس
يؤسفنى اقولك انك غلطان و انا متأكده
زى ما عملت هى عملت و اكتر من كده
زى ما عيشت هى عاشت و حبت و اتجرحت
ونسيت و قررت تبقى كده
احنا الاتنين بنكدب على بعض
انت بطريقتك وانا بطريقتى بس بنكدب
واخرتها يعنى هتكون ايه غير كده
هى حبت واتجرحت وفى الاخر استنت
عريس مناسب وجاهز علشان يجى و ينجز
هتقولك بحبك و هتفضل اكيد جنبك
بس مس حبا فيك و لا حبا لقلبك
علشان انت جاهز و مهمتك انك تحررها
وانت اكيد لفيت و شوفت و حبيت
بس لما حبيت يكونلك بيت فكرت فى ست البيت
علشان انت ضعيف و عاوز الأضعف
بتخاف من القوية الذكية اللى بتناقشك
متزعلش لما تكتشف فى الاخر انها كده
وتحتار وتفكر وتقول هى ليه كده
أصل الفرق بينكم مش كبير زى ما هى مثلت انتم الاتنين ممثلين
واخرتكوا هتقرفونا بأب و أم فاسدين 

عالم متروهات

شوفت وعشت و ليا فى المترو يوميات
لو حكيت كل يوم منها هاملى مجلدات
وزى ما فى يوميات ليا فيه ذكريات
شوفت البنوتة الرقيقة اللى منها كتير بنات
وشوفت اللى عينها وحشة تدب فيها رصاصات
وشوفت الأم اللى خارجة ووراها مسئوليات
والحلوة الصغيرة ام ضفاير اللى شايلة بيبهات
والتانية المغتربة وفى ودانها سماعات
وام طرحة بمبى حلوة جنبى مليانة مفرقعات
واللى جاية مسافرة شايلة فى ايديها حبة حاجات
واللى راكبة بس نايمة مفوتة المحطات
عالم صغير متنقل جواه حكايات
كلها مرتبطة ببعض بطريقة متروهات
كل واحدة عايشة حالة من الحالات
وبرغم كل الحكايات بحس انى وحدى
غريبة يمكن من عالم أسطورات
او عروسة لعبة باربى ولا من الأميرات
 وبعدد كل المتروهات وفى وسط الحكايات
انا لسه حكاية وحدى وسط عربية السيدات