بتصرف معاك غلط و عارفة
مش قادرة أقاومك ولا عاوزة
بحبك ...يمكن لسه
كرهتك ...نفسى أوى يحصل
نفسى أسيطر و أعدى و أوصل
لمكان تانى بعيد عن حبك
أنا مش عاوزة أفضل جنبك
أنا رافضة انى أسامحك
مقتنعة انه ده مش ذنبك
ضاعت كرامتى غضب عنك
بس فى عقلى برضه بحاسبك
وبمنطقى ساخطة و بعاقبك
بضعف تانى و أقول أنا ملكك
لسه بعلق نفسى بحبك
ولما بتحصل حاجة تفوق
من وجعى على قلبى بصدك
بألحق نفسى تانى من حبك
وببعد عنك لكنى ....بحبك
ليست هناك تعليقات:
إرسال تعليق