هتكون ذكريات... هتضعف .. هتخضع ..هتبيع اللى
فات
عرفتك صدفة و حبيتك صدفة واخترت أكمل معاك
مشوارى برضه صدفة
عمرى زاد من يوم ما عرفتك سنتين و لكنى اللى
يعرفنى يقول طفلة عمرها سنتين
يمكن حبك غيرنى ...عرفنى .علمنى ازاى أسيب
نفسى... أزاى أكون طفلة أو أم مش هتفرق
كتير
لو كنت أم أو طفلة أو حتى حبيبة فأنا فى
الاخر ليك انت ...بنتك انت.. أمك انت...حبيتك انت
ألم ...وجع ... دموع احساس مخنوق مع صوت
مكتوم ....رد و قولى ايه الحقيقة
يمكن طفلة أو أم أو حتى حبيبة لا مش ممكن
تطلع.... مش حقيقة
سكوت ....تفكير .... تجريح اوعى تكون السبب
فى يوم انك تسقط من عين بريئة
اوعى تخلى فى قلبك يوم كبت لخوف أو حتى فجيعة
....قلبك برضه مهما يكون
قلب لابن أنا أمه ....قلب لطفل انا حضنه
....قلب لراجل كبرته ..عرفته
علشان بيا يقوى ...يستقوى و فى عز السكوت
يصرخ من غير حبك هأموت....يبقى بعد كل ده
تفتكر هتكون ذكريات.. بعلو الصوت هأصرخ و
أقول :عمرك فى قلبى .....ما تكون ذكريات
ليست هناك تعليقات:
إرسال تعليق